Transcription
1
Reçue à Crest, le 26 juin 1573. Répondue le 27 juin 1573.
2
Monsieur de Gordes, parlant avec le sieur de Virieu que je redepesche presentement vers
3
mon cousin le marechal Dampville, je me suis advisé si ce ne seroyt poinct chose
4
qui feust à propoz pour le bien de mon service, quil allast parler et comminicquer
5
avec les sieurs de Montbrun et de Mirabel et leur remonstrer le peu doccasion
6
quilz ont de semouvoir et tenir en armes comme ilz font, veu que je nay aucune volunté
7
de faire porter dommaige ny desplaisir à ceulx de mes subiectz qui sont de leur religion
8
et se contiennent doulcement affin dessayer si cela ne seroyt poinct pour servir
9
à les retenir en quelque sorte, ce que je vous prye de considerer et adviserey par
10
ensemble en lestat où seront reduictes les chooses lors de son arrivée par delà, ce qui
11
sera bon de faire en cest endroict pour le bien de mon service que vous scaurez bien
12
juger comme je masseure. Priant Dieu surce, monsieur de Gordes, quil vous
13
ayt en sa sainte garde. Escript à Montceaulx, le XIIIIe jour de
14
juing 1573.
15
Charles
16
Brulart